Денеска во Нови Сад започнува 16-от самит на претседателите на земјите од Централна Европа, на кој ќе се разговара за предизвиците во економијата, енергетиката и за проширувањето на ЕУ. Во пресрет на Самитот, вчера македонскиот претседател Ѓорге Иванов имаше билатерална средба со неговиот српски колега Борис Тадиќ. Српскиот претседател Тадиќ истакна дека со Иванов имале пријателска и конструктивна средба и оти разговарале за прашања за Балканот и за неговото место во ЕУ.
