Поранешниот портпарол на Хашкиот трибунал Флоренс Хартман денеска треба да се појави пред овој суд под обвинување дека открила доверлива информација од процесот против екс српскиот претседател Слободан Милошевиќ. Таа е првиот вработен во Трибуналот кој ќе одговара пред него. Доколку биде прогласена за виновна, француската новинарка Хартман која беше портпаролот на поранешниот главен обвинител Карла Дел Понте може да добие парична казна од 100 илјади евра, но и затвор од седум години.
