Генералниот секретар на Обединетите нации Бан Ки Мун во извештајот за работата на УНМИК и ситуацијата на Косово укажува дека Приштина остварува минимални контакти со неговиот специјален претставник Ламберто Заниери, но оти соработката во однос на практичните прашања продолжува. Во редовниот тримесечен извештај што ќе го поднесе на 17 јуни, Бан информира дека општата безбедносна ситуација на Косово е релативно мирна. Сепак, тој додава дека бројот на луѓето кои се вратиле во своите домови бил разорачувачки мал.
