Семејствата на двете американски новинарки кои во Северна Кореа се осудени на дванаесет години принудна работа апелираа до официјален Пјонгјанг да покаже сожалување и да ги ослободи. Во заедничката изјава, семејствата на Лора Линг и Еуна Ли наведуваат дека се шокирани од казната и се извинуваат за евентуалните ненамерни погрешни чекори на репортерките во Северна Кореа.