Американскиот претседател Барак Обама денеска во Каиро ќе го одржи долгоочекуваниот говор за односите меѓу САД и муслиманскиот свет. Обама во Египет ќе пристигне од Саудиска Арабија во рамките на неговата турнеја по Блискиот Исток, на која ќе се обиде да ги подобри односите на САД со муслиманските земји. Пред патувањето тој изјави дека кај муслиманскиот свет постојат заблуди за САД, но и оти на Запад постојат заблуди за муслиманскиот свет.
