Францускиот претседател Никола Саркози денеска во Париз ќе се сретне со Министерот за надворешни работи на Иран Манушер Мотаки, со кого ќе разговара за иранската нуклеарна програма. Обединетите Нации го санкционираа Иран поради нуклеарната програма. Иранските власти, од друга страна, тврдат дека програмата за производство на збогатен ураниум не е наменета за производство на нуклеарно оружје.
