Земјотрес со интензитет од пет степени според Европската макросеизмичка скала денеска е почувствуван во Валандово, Дојран и околните места.Во Струмица, Гевгелија и Богданци земјотресот е почувствуван со интензитет од четири степени според Европската макросеизмичка скала. Земјотресот е регистриран во 10 часот и 03 минути, а епицентарот е 125 километри југоисточно од Скопје и потекнува од валандовското епицентрално подрачје.
