Нема потреба од формирање кризен штаб што ќе и помогне на државата побрзо да излезе од светската економска криза, изјави премиерот Никола Груевски, одговарајќи на пратеничко прашање на денешната собраниска седница. Toj соопшти дека владата е во постојани комуникации со сите експерти и со стопанските комори околу економската криза, и дека засега нема потреба од формирање на таков штаб.
