Потпретседателот на Европската комисија Жак Баро соопшти дека „најбрзо што е можно“ ќе предложи укинување на визите за „граѓаните на оние земји од западниот Балкан што ги исполнуваат условите“. Според извештајот што деновиве го објавуваат медиумите, Македонија ги исполнила условите за укинување на визите, а Србија и Црна Гора добро напредувале кон целта. Албанија и Босна и Херцеговина засега не ги исполнуваат условите за укинување на визите.
