Градските советници во Љубљана на вчерашната седница со мнозинство гласови одлучија да именуваат улица по поранешниот југословенски претседател Јосип Броз Тито. Во образложението на комисијата за именување улици, меѓу другото е наведено дека „историските имиња и именувања по таква личност не смееме да ги избегнуваме“. Дел од советниците се противеа со образложение дека Тито е персонификација на авторитарниот режим. На вчерашниот ден, 25-ти мај, во поранешна Југославија се славеше Денот на младоста, односно Титовиот роденден.
