Турските безбедносни сили убиле двајца курдски бунтовници на истокот од земјата, јави турската агенција Анатолија. До судирите дошло за време на операција на безбедносните сили против Курдската работничка партија во провинцијата Мус, изјавил за агенцијата, гувернерот во оваа провинција Ердоган Бекташ. Во друг одвоен инцидент, при експлозија во градот Јуксекова, на југоистокот од Турција, бил повреден еден полицаец.
