Пакистанското министерство за внатрешни работи соопшти дека повеќе од илјада милитанти се убиени во три-неделната офанзива на армијата против талибанските бунтовници на северот од земјата. Операцијата на безбедносните сили започна минатиот месец откако талибанците воспоставија контрола во неколку области на северозападот од Пакистан. Неколку илјади цивили од Долината Сват, ги напуштија своите домови поради судирите меѓу армијата и талибанците.
