Заменик- претседателот на Владата на Република Македонија Зоран Ставрески денеска ќе одржи средба со претставници на трите стопански комори на Македонија и директорите на банките. Ќе се разговара за имплементирање на мерките за кредитна поддршка на стопанството, што ги донесе Владата во рамките на третиот пакет антикризни мерки. На средбата ќе присуствуваат и министрите за финансии и економија и гувернерот на Народна банка.
