Мандатно-имунитетната комисија на хрватското Собрание денеска го укина пратеничкиот имунитет на Бранимир Главаш, со што се отстрануваат законските пречки за негово апсење. Тој во петокот беше осуден на десет години казна затвор поради воени злосторства врз српски цивили во Осиек во 1991-та година. Веднаш по пресудата Главаш, кој има и босанско државјанство, ја напушти Хрватска и пребега во Босна и Херцеговина.
