Рокот за собирање потписи за предлагање листа на кандидати за пратеници во Собранието на Македонија од група избирачи, што започна на 25 април, истекува утре на полноќ. До 5 мај на полноќ треба до Државната изборна комисија да се достават и листите за независни пратеници, како и листите предложени од политичките партии. На 13 мај ДИК ќе организира жребување за утврдување на единствената листа на кандидати за избор на пратеници. Утре на полноќ истекува и рокот во кој македонските граѓани можат да извршат увид во Избирачкиот список и доколку имаат забелешки да достават барања за бришење или за измена на податоци.