Кинеското министерство за надворешни работи соопшти дека убиството на водачот на Ал Каеда Осама бин Ладен во американскиот напад врз неговото засолниште во Пакистан претставува голем настан и позитивен развој во меѓународната борба против тероризмот. Во изјавата се додава дека Кина исто така е жртва на тероризам. Официјален Пекинг наведува дека сепаратистичките милитанти во западниот регион Ксинџијанг биле поддржувани од екстремисти од странство.