Одборот на Европскиот парламент за граѓански слободи даде зелено светло за влегување на Бугарија и Романија во шенгенската зона без граници во Европската унија. Одборот заклучи дека овие две земји ги исполниле потребните услови за вклучување во зоната, меѓу кои и клучниот дека тие можат да ја гарантираат безбедноста на надворешните граници на Европската унија. Конечната одлука за датумот на влегувањето треба да ја донесе Советот на министрите на Унијата кон крајот на годинава.
