Хјуман Рајтс Воч ги повика властите во Бахреин да не ги осудуваат на смртна казна и доживотен затвор шиитите кои се обвинети за наводното убиство на две безбедносни лица. Според организацијата судењето на седумте обвинети лица, од кои четворица осудени на смртна казна, траело помалку од две недели. Тие се првите цивили кои биле осудени од специјален воен суд по немирите во март, кога шиитските демонстранти бараа демократски реформи во Бахреин.
