Празничниот првомајски продолжен викенд го зголеми бројот на патници низ граничниот премин Богородица од 40 до 60 проценти во однос на вообичаениот дневен патнички промет. Од петокот до понеделникот вкупниот проток на патници изнесува близу 42.000, од кои околу 14.000 се македонски граѓани, а близу 28.000 се странски. Од нив на празничен престој во соседна Грција се упатиле 9.010 македонски државјани, а бројот на странците кои влегле во Македонија е поголем и изнесува 14.373, од кои мал дел се транзитни патници, а речиси 90 одсто се посетители низ гевгелиските казина. Најголема раздвиженост е забележана во саботата кога се регистрирани 15.246 патнички трансфери.
