Денеска во базиликата „Свети Петар“ во Ватикан се одржува церемонијата за беатификација на Папата Јован Павле Втори. Процесот на беатификација - прогласување за блажен, го почна актуелниот папа Бенедикт Шеснаесетти во јуни 2005, два месеца по смртта на Јован Павле Втори, а заврши за рекордно време, во јануари оваа година. Беатификацијата е прв чекор кон прогласување за светец на претходниот поглавар кој беше на чело на Римокатоличката црква 27 години. На церемонијата во Ватикан присуствуваа 16 шефови на држави и претставници на пет кралски семејства.