На две кола до крајот на првенството екипата на Борусија Дортмунд ја обезбеди титулата во Бундес лигата откако во натпреварот од 32 коло со 2:0 го совлада Нирнберг, а нивниот единствен конкурент Баер Леверкузен загуби на гостувањето кај Келн со истиот резултат. За популарните „милионери“ ова е седма титула, а освоена е по пауза од девет сезони. На другите натпревари од колото синоќа во дербито Баерн во Минхен го совлада Шалке со 4:1, а Штутгарт оствари гостинска победа кај Хофенхајм, важна за опстанок во лигата. Мајнц го победи Ајнтрехт со 3:0, а Хановер дома е поразен од Борусија Менхегладбах со 1:0. Победа на гости оствари и Фрајбург совладувајќи го Хамбургер со 2:0. Во петокот беа одиграни натпреварите: Кајзерслаутерн – Ст.Паули 2:0 и Вердер – Волфсбург 0:1.