Министерот за надворешни работи на Србија Вук Јеремиќ денеска ќе престојува во официјална посета на Македонија. За време на престојот, Јеремиќ ќе биде примен од претседателот Бранко Црвенковски и од премиерот Никола Груевски, а ќе се сретне со министерот за надворешни работи Антонио Милошоски, при што е предвидено и потпишување на Протокол за соработка во областа на дипломатската едукација. Српскиот министер ќе биде примен и од претседателот на македонското Собрание Трајко Вељаноски.