Проширен НАТО тим, предводен од Роберт Симонс заменик помошник на генералниот секретар на Алијансата, од 27 април престојува во Македонија за оценка на постигнатиот напредок на земјата во насока на НАТО интеграциите, односно имплементацијата на Акциониот план за членство. Посетата на НАТО тимот завршува утре, по што ќе биде подготвен извештај кој ќе биде презентиран пред земјите членки на Алијансата, соопшти денеска македонското Министерство за надворешни работи.
