18 лица се уапсени во Бугарија под обвинение за дистрибуирање педофилски материјали на интернет, соопшти бугарското министерство за внатрешни работи. Осомничените, уапсени во рамки на голема меѓународна полициска акција, се соочуваат со шест годишна затворска казна, доколку бидат осудени. Во полициската акција биле запленети компјутерски материјали, компакт дискови и видео снимки, на кои било прикажано сексуално злоставување на деца.
