Кинескиот премиер Вен Џибао на отварањето на Форумот Боао на кој присуствуваат претставници од Азиските земји изјави дека кинеската економија се движи ,,подобро од очекуваното“ и покрај одреденото намалување на извозот поради глобалната економска криза. Стимулативните пакети даваат резултати и економијата покажува позитивни придвижувања, истакна на отварањето на Форумот кинескиот премиер. Тој сепак предупреди дека економијата се соочува со потешкотии поради кризата и повика на соработка помеѓу Азиските држави.