Американската влада издаде предупредување од можен потенцијален пораст на десничарски екстремистички групи во Соединетите Држави. Владата оценува дека десничарските групи ги користат економската криза и изборот на првиот афро-американски претседател, како аргументи за регрутирање на нови членови. Во извештајот се наведува дека можна целна група се воените ветерани кои се враќаат од мисиите во Ирак или Авганистан, доколку се соочат со тешкотии да најдат работа.
