Во Молдавија полицијата рано изутрината воспостави контрола врз претседателскиот кабинет и Парламентот, откако зградите беа нападнати за време на протестите против изборната победа на владејачката Комунистичка партија. Околу 100 лица беа повредени во вчерашните судири, додека илјадници луѓе протестираа. Претседателот на Молдавија Владимир Воронин, кој е и лидер на Комунистичката партија, ја обвини опозицијата дека стои зад протестите.
