Денеска се одбележува светскиот ден на здравјето, а православните верници го прославуваат празникот Благовец. Утре, пак, е 8-ми април, светскиот ден на Ромите. По тој повод денеска во тетовскиот Дом на културата се одржува дебата на тема „Подобрување на статусот на Ромите во високото образование и предизвиците на Ромската декада“. Свеченост по повод меѓународниот ден на Ромите се одржува и во Домот на АРМ во Скопје. Утрешниот ден е неработен за сите припадници на ромската заедница во Македонија.
