Американскиот државен секретар Хилари Клинтон изрази надеж дека новиот контроверзен авганистански закон за рестрикција на правата на шиитските муслимански жени, ќе биде укинат. Во интервјуто за авганистанскиот сервис на Радио Слободна Европа, при посетата на седиштето во Прага, Клинтон изјави дека за овој закон му изразила загриженост и забелешка на авганистанскиот претседател Хамид Карзаи.
