Француската полиција привела над 300 лица, по судирите со демонстрантите во Стразбур, пред самитот на НАТО. За време на вчерашните нереди била направена голема материјална штета,а полицијата употребила солзавец и гумени куршуми за да ги растера демонстрантите. И за денеска се закажани анти-НАТО протести во Стразбур и во Кил, а според проценките на германската полиција, се очекуваат околу 25 илјади луѓе. Голем анти-НАТО протест е закажан и за утре во Стразбур.