Група од 29 американски конгресмени апелираат до претседателот Барак Обама целосно да го поддржи членството на Турција во Европската унија. Апелот е испратен пред посетата на Обама во Турција. Конгресмените ја повикуваат администарцијата на американскиот претседател „да и помогне на Владата на турскиот премиер Реџеп Таип Ердоган да ги спроведе нужните реформи со цел да се исполнат критериумите за членство во Унијата. Во писмото конгресмените и се заблагодаруваат на Турција за помошта што ја пружа на НАТО во Авганистан и на САД во Ирак.
