Авганистанскиот претседател Хамид Карзаи изјави дека американскиот претседател Барак Обама го информирал за новата стратегија на Соединетите Држави во Авганистан. Според соопштението од Карзаи, претседателот Обама го побарал вчера и го информирал за главните точки од планот. Во соопштението не се дадени повеќе детали околу новата стратегија. За новиот план во понеделникот американскиот пратеник за Пакистан и Авганистан Ричард Холбрук разговараше со амбасадорите на НАТО, но не беа соопштени повеќе информации.