Американскиот државен секретар Хилари Клинтон го оцени за провокативен акт планот на Северна Кореја да лансира ракета од долг дострел, додавајќи дека тоа нема да помине без последици. Говорејќи пред новинарите во Мексико, Клинтон изјави дека Вашингтон ќе го покрене тоа прашање во Обединетите нации, доколку Пјонгјанг реши да лансира ракета, како што најави, во почетокот на идниот месец.
