Папата Бенедикт 16-ти денеска оддржа миса на отворено, пред околу еден милион верници во главниот град на Ангола, Луанда. Папата ги осуди како што рече ,,злите облаци“ надвиснати над Африка, кои предизвикаа војни, етнички и племенски судири на континентот. Папата вчера оддржа миса и на стадионот во Луанда, при што во стампедо создадено од толпата народ која што сакала да присуствува на обраќањето, загинаа две лица. Тој изрази длабоко жалење поради трагичниот настанот.
