Германската канцеларка Ангела Меркел изјави дека на Европската Унија и е потребна фаза на консолидација пред да прими нови членки. Пред членовите на нејзината демохристијанска Унија, таа рече дека државите од Западен Балкан се загрижени поради одложувањето на нивниот пристап кон Европската Унија и додаде дека треба да се почека дали со Лисабонскиот договор ќе дојде до одредена фаза на консолидација кога станува збор за интегрирањето.
