Министрите за надворешни работи на Европската Унија денеска во Брисел ќе разговараат за соработката со земјите од Западен Балкан, но подетаљно ќе ја разгледаат опцијата за посилно ангажирање во Босна и Херцеговина, вклучувајќи и меѓународен претставник на Унијата во таа земја. Шефовите на дипломатиите се очекува да го поздрават наименувањето на новиот претставник за Босна и Херцеговина, кој би требало да почне да работи до крајот на годинава. Тој ќе ги задржи правата да влијае врз работата на политичките и државните официјални лица и да ги менува законите во таа земја.