Бугарските полицајци демонстрираа денеска во Софија, барајќи од Владата зголемување на платите за 50 отсто и подобри услови за работа. Околу шест илјади полициски службеници од повеќе делови на земјата, го изразија своето незадоволство пред бугарскиот Парламент. Неодамна, бугарскиот министер за внатрешни работи Михаил Миков донесе одлука платите на полицајците од јануари да се зголемат за пет отсто, и истакна дека не е можно зголемување од 50% во време на економска криза.
