Српскиот претседател Борис Тадиќ изјави дека сака да сврти ,,нова страница“ во односите на Србија со Соединетите Држави. Тој рече дека се потребни што е можно подобри односи со Вашингтон, за воспоставување на мир и демократија на Балканот и изрази надеж дека наскоро ќе се сретне со американскиот претседател Барак Обама. Тадиќ е во посета на Шпанија, која е меѓу петте земји членки на ЕУ кои сеуште ја немаат признато независноста на Косово.
