Политичките лидери во Северна Ирска, го осудија вооружениот напад на британската воена база, северозападно од Белфаст, во кој загинаа двајца војници. Нападот го осуди и британскиот премиер Гордон Браун, оценувајќи го како ,,кукавички“. Британските и ирските политички претставници изјавија дека нема да дозволат загрозување на мировниот процес и враќање на насилството и нередот во Северна Ирска. Синоќешниот напад е еден од најсериозните од потпишувањето на мировниот договор во 1998-та година, со кој беше ставен крај на речиси 30 годишните судири меѓу Ирската републиканска армија (ИРА) и пробританските протестантски герилски групи.