Руската федерална безбедносна агенција соопшти денеска дека убила неколку милитанти кои планирале самоубиствени напади против властите во Ингушетија. Се наведува дека до борбите дошло откако полицијата ја опколила куќата каде што милитантите ги подготвувале нападите. Рускиот претседател Дмитри Медведев пред неколку месеци го смени гувернерот на Ингушетија со цел да го смири растечкото незадоволство во таа претежно муслиманска република која граничи со Чеченија.
