Претседателот на Македонија Бранко Црвенковски во вторник во Софија ќе има средби со највисоките бугарски раководители, соопшти денеска неговиот кабинет. Тој ќе разговара со претседателот на Бугарија Георги Прванов, а ќе има средби и со спикерот на парламентот Георги Пирински и со премиерот Сергеј Станишев. На вториот ден од официјалната посета на Бугарија, претседателот Црвенковски ќе престојува во Пловдив.