Јапонскиот премиер Таро Асо изјави денеска дека ќе работи на решавање на територијалниот спор со Русија во врска со Курилските Острови. Јапонија бара враќање на сите 4 острови, кои ги освоија советските трупи по капитулацијата на Јапонија во Втората Светска Војна. Овој спор ќе биде една од главните теми на руско – јапонскиот самит, кој би требало да се одржи кон крајот на месецов.
