Официјални претставници за енергија на Русија и на Украина денеска ги продолжуваат преговорите во врска со украинскиот долг за испораката на руски гас. Рускиот премиер Владимир Путин изјави дека за овој проблем телефонски разговарал со украинскиот претседател Виктор Јушченко, но не опстигнале никаков договор бидејки Украина не сакала да си го подмири долгот. Руски Газпром се закани дека ќе ја запре испораката на гас за Украина во јануари, доколку не биде платен долгот од над две милијарди долари. Соединетите Држави и Европската Унија ги повикаа Москва и Киев да најдат брз компромис.
