Индустриското производство во Русија во ноември се намалило под сите очекувања, што според експертите е показател дека економијата можеби влегува во рецесија која ќе биде подлабока отколку што се стравуваше. Според Федералниот завод за статистика, производството во однос на претходниот месец опаднало за 10,8 насто, а во споредба со ноември минатата година за 8,7 проценти, што е најголем пад од финансискиот крах во 1998 година.
