Премиерот Никола Груевски денеска ќе учествува на Самитот на Европската народна партија кој се одржува во Брисел во пресрет на состаноците на Европскиот Совет. На самитот ке присутвуваат и претседателот на Европската Комисија Жозе Мануел Баросо, претседателот на Европскиот парламент, Ханс Герт Потеринг и голем број европски лидери, меѓу кои, претседателите на Франција, на Германија и на Италија Саркози, Меркел и Берлускони. Груевски како што соопштија од владиниот кабинет ќе ја искористи можноста да ги запонае своите колеги со напредокот на Македонија во реформите и мерките кои Владата ги презема за подобрување на животот на граѓаните и за интегрирање во Европската унија, како и за процесот за ослободување од визното ограничување.
