Рускиот премиер Владимир Путин изјави дека Русија ќе помине низ глобалната економска криза со минимални загуби. Путин денеска одговара на прашања на руските граѓани, што се пренесува директно на радио и телевизија. Русите можеа да испраќаат прашања до Путин по телефон, интернет, со пораки, а првото на кое одговараше Путин беше од лице кое останало без работа, заедно со повеќемина други од неговиот град и го праша Путин како да преживее. Во врска со Руско – Американските односи, Путин оцени дека очекува позитивен развој, особено по изборот на Барак Обама за претседател.
