Илјадници туристи останаа во Тајланд поради политичките нереди кои ја зафатија таа земја. Агенциите јавуваат дека околу 100 000 луѓе се во Банкок, откако поради антивладините протести беа затворени меѓународниот и домашниот аеродром. Во меѓувреме околу 50 демонстратори биле повредени во експлозија на бомба во зградата во која се наоѓа канцеларијата на премиерот Сомчаи Вонгсават, а која веќе неколку дена е опколена од антивладините демонстратори. Тајландската полиција им нареди на демонстраторите да ги напуштат аеродромите кои ги држат во опсада, или во спротивно ќе се соочат со последиците.
