Економскиот и дипломатскиот тим на ново избраниот американски претседател Барак Обама полека ја добива формата, јавуваат медиумите од Вашингтон. Сенаторката Хилари Клинтон останава како сериозен кандидат за прв човек на американската дипломатија, а веста дека Тимоти Гаитнер, главен на Њујоршката филијала на Американската Централна Банка, би бил нов Секретар на Трезорот, ги засили американските акции на берзите.
