Министрите за надворешни работи на земјите членки на Европската Унија, денеска во Брисел расправаат за можноста од продолжување на преговорите за партнерство со Русија. Овие преговори беа замрзнати по руско – грузискиот конфликт во август годинава. Европската Комисија препорача продолжување на преговорите, а денеска и владите на Велика Британија и на Шведска се заложија за соработка со Русија, но Полска и Литванија сметаат дека Русија не ги исполнила обврските од мировниот план.