Вицепремиерот за европски прашања Ивица Боцевски денеска во Брисел потпиша Секторска спогодба за ИПАРД програмата, која ги содржи деталните правила за спроведување на ИПАРД фондовите, односно ја одредува улогата и функциите на структурите што подлежат на акредитација, начинот на комуникација со Европската комисија и одговорностите на Македонија за информирање на јавноста. Секторската спогодба од страна на ЕК ја потпиша директорот на Генералниот директорат за земјоделство и рурален развој Жан-Лук Демарти.
